خطايى ، على اكبر
385
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
واريلدى بلدة مرقومهده مزبور امير فخر الدينك بنا ايلديكى جامع شريفك مقابلنده غايتله بيوك بر بتخانهلرى وارايدى . ذكر اولنان بتخانهده قنى چوق صنملر وضع اولنوب جمله سندن بزركتر اولان صنمك قارشو سنده اون ياشنده طفل مقدارى باقردن مصنوع بر مصنع صنم ياپيلمشيدى كه كمال صنايعنده عقل حيران و ديوارنده اولان نقوش بديعه و قاپوسنده بربرينه حمله ايدر صورتنده تصوير اولنان ايكى ديو پرريوك تماشاسنده انسان سركر - دان اولوردى . و شهر مزبورده منكلى تيمور نام بر جوان خوب روى سيم اندام حاكم ايدى شهر رجبك يكرمى بشنجى كونى اول شهردن دخى كوچيلوب آندن صوكره اكثر يول چول اولوب هر كون يا خود ايكى كونده بر آنجق صو بولنوردى . شعبانك اون ايكنجى كونى بر محله واريلدى كه آنده يابانى دوهلر و بيوك قطاس او كوزلرى وارايدى . اول يرك اهاليسى ، ذكر اولنان او كوزلردن برى بر سوارك اوزرينه هجوم ايدوب بوينوزينه صاپلادى و حريفك جسدى او كوزك بوينوزنده بر مدت قالوب ياغى اوكوزك كوزينه كيتمكله كور اولدى ديو نقل ايلديلر . شعبانك اون دردنجى كونى بر موضعه واريلدى كه آندن ختاييلرك ابتدا شهرى وقراولى اولان سكجو نام شهره وارنجه اون كونلك يول چول ايدى . اول محلده ختاى پادشاهنك امريله بر كروه ، ايلچيلرك